يا حبيبتى .

.تصدقى قلمى الليله الظاهر ركبه شيطان .
عمال يتكلم تقوليش بغبغان ..
صحيح بجد موش عاوز يبطل ابدا كلام ...
عاوز يخدنى من نفسى ومنك قال ونهرب يومين .
.عاوز ينسينى الفلسفه وحكمه سنين..
عاوز يخلينى اسيب له نفسى خالص..
واسيب كتابه الشعر الحزين ..
قال ايه عاوز يكتب قصايد شوق ولهفه..
تفرح قلوب السهرانين..الحزننين والمجروحين ..
عاوز يرجع النور والنضاره للجفون المرهقين..
عاوز يخلينى قال دوا للمتعبين ...
نكتب شجن وحب.. وشويه حنين..
عاوزنى اذبح شويه حروف مربربين..
وان شالله انا انذف الم ..
وانشالله يغرق الحبر والدموع والعرق منى العيون..
والوش يجى ميت الف لون..
قمت اتعصبت خالص وكسرت منه السنون ..
وقلت له ملعون ابوك انتى واخدنى وياك لفين..
انت بارد صحيح يادى القلم..
انت موش حاسس باللى فينا والاايه ....
قولى ..اهرب منك ومن غباوتك بس واروح لمين..
على فكره بس..ده كل الناس زيك كده ..
بيطلبوا منى نفس الطلب كده من سنين..
يا قلم انت عارف اننا عايشين فى زمن النواح..
والفرح اختفى ولى وراح ..
وحلمى وحلمك يا قلم ملئى قليى وقلبك بالجراح.. 
بجد.والله لو موش مصدق ..
.طاب حتى جرب تضرب رقم السعاده..
واتصل .. موش راح تلاقيه متاح..
وحتى الغروب مش هو الغروب ..
ولا الشرق بقى بيجيب فى سكته شمس الصباح..
حتى الشتاء صار حزين..
بقى بيجى من غير مطر ..
مفضلش منه غير شويه ساقعه وشويه رياح...
والناس بقت زى التعالب..
بس متسمعش منهم غير شويه كذب شبه النباح..
وانا قلبى الصغير تعب..
ومفضلش فى العمر قد اللى راح..
وانا بصراحه عاوز اموت ..
من غير ما اسمع بكى والا حتى نواح..
عاوز اموت سوكيتى كده من غير دوشه و صياح...
بص ..ريحنى واسمع كلامى ..
موش عاوز منك يا قلم كلام كثير ...
كل اللى عاوزه منك تكتب جواب اخير..
انت تكتبه وانا راح اخبيه بنفسى تحت السرير..
يمكن فى يوم حد يجى ينضف الاوده يلاقيه ..
ويدهولها.. تقوم تقرأ هى اللى فيه..
كلمه بحبك يا اميره ...
وموش طالب منك غير دعوه و سماح...
تغريده الم احمد بيومى..