مجلة أضواء المدينة - بحبك- أشرف حنفى

* بحبــــــــك أنا وأحلامى وزمانــــــــــــى *
حبيتكِ أيوه وعشقتكِ .. وحبيت النسمه اللى بتطوف على خدكِ.. يا أجمل نغمه بسمعها : بروحى وقلبى ووجدانى * فى عينيه دايما أنا شايفك : بسمه بتحضنى , وتحن عليا وتقولى : واحشنى يانبضى اللى .. لو كل الدنيا نسيتنى : عمره ف يوم ما ينسانى * أنساكى ازاى وأنا وقلبى .. بنعيش العمر علشانكِ .. وكل ما لحظه بتعدى : بحسك دايبه فى كيانى * وكل ما أقسى على قلبى : يحن اِليكى من تانى * هواكى بيهدى أحلامى : معنى ولون .. ومن هنايا بحس اِنى انا بملك : كل الكون .. واِنى لما اناجيكى : بتضيع منى : كل معانى حرمانى * من همسك : حسيت ذاتى واِحساسى .. وعشت معاكى آمالى بنبض جديد .. فى عالم وردى : بالمنى جانى * عالم ملايكى لمس اِحساسى : بوتر ماسى .. سقانى طهرى وخلاصى .. بقربى منه .. بحس أنه : بيهدينى ويرعانى * منيش محتاج أنا لمسك .. أنا نبضك أنا منك .. تلاقينى وألاقيكى فى كل مكان .. لا نعرف بكره ولا غدره ، ولا حلوه ولا مره ، ولا الحرمان .. ولو قدرى حكم بفراق .. هقوله : هعيش العمر أنا كله : حبيب مشتاق .. لطيفك اللى خلانى .. أصالحك تانى يازمانى