لو نفسك تعرفى انا مين .؟.اقول لك ..
انا الف سؤال من غير اجابه ..
انا الحمل اللى عرف فن ترويض الديابه ..
وانا الجمل اللى عايش وحيد فى الصحارى..
ميت من العطش ..
و نفسه فى يوم يشوف سحابه ..
انا امبارح اللى فات ..
وانا الحب اللى مات ..
وانا اللى علمت الناس الكتابه ..
وانا بردو الى ممكن اكتب فرح..
واحسس الناس بالسعاده ..
وانا الراجل الحزين اللى حبره مليان بالكأبه ..
ايوه متستغربيش..
انا التناقض بعينه..
وانا الانسان بطيبته وبجنونه ..
وانا الطفل اللى لسه بيدور على صدر حنين يصونه ..
انا كل دول فى بعض ..
شويه من حقيقه وكثير من السراب ..
لكن لو مره اتقابلنا..
راح تشوفى حب وحنيه العالم فى عينه ..
لانى انا المصرى ...حامل سر الحياه ..
غريده عشق احمد بيومى