انا جنيه
انا جنيه وعقلى كبير
وبالحنيه
اجيب الفهد يكون لي اسير
اوعى تفكر عقلى صغير
او من كلمة بسيطه اتعكر
ده انا جنيه
وممكن تبقى خاتم فى صباعى
وتسهر ليلك فاتح عينك
جالس جنبى وليا مراعى
ده انا جنيه
ممكن نظره بعينى فى عينك
.تسحر قلبك
تخطف منك كل حواسك
وتعمل منك اكبر ساعى
وتسعى لحبى وليا تراعي
لكن لازم اتعب قلبك
وطرف عينى ليك بيراعى
منا جنيه
ولو فى الميه
صعب عليك انك تمسكنى
افلت منك وافضل احاورك
سمكه شقيه اسمها جنيه
عايز تكسب حبى وقلبى
ابقى عاملنى بالحنيه
انا جنيه
