جلست على شاطى اتامل جمال الكون والبحر والشمس والقمر بجمال العيون
مر هوا من امامى بيشوف الودع
عارفة انة خرافة وانة من البدع
قالى يا ستى جربى
يمكن بكلامى تعجبى
قلت يا سيدى قول من تخاريف العقول
قالى انتى غويطة
فى كل شىء حويطة
كل رقة وبراءة
وبتحافظى على الصداقة
وفيكى برضة شوية جرائة
قلت يا سيدى
قول لا تطير العقول
بتحبى كل الناس
وعايشة بالاحساس
حبيبك عندك غالى
مقامة دايما عالى
لو انتى بين الناس وحبييك وسطهم
محدش يعرفة ولا يقدر يوصفة
اصلك خايفة علية وكمان بتعشقية
بتدورى على الحقيقة جواكى طفلة بريئة
قلت كلام معقول جايب منين القول
قالى اسكتى واستنى معاه
كمان تتهنى فيكى
كمان صفات يا عينى عليها
وعندك كمان حاجات تملى بتعمليها
قبل كل شىء لازم تسالى وعن الحقيقة تدورى
عايشة ف بيتك طفلة بريئة ومع اهلك احلا صديقة
وقت الشدة دايما جريئة
بتعشقى النجاح ودايما نجمك عالى
مفيش استسلام ابدا ولا هوان
بتحبى كل الناس برقة واخلاص
لو قلبك مال خلاص
وتعيشى اجمل احساس
ولقيتى قلبك خانك بسرعة ترفضية
ومن قلبة كمان ترمية
ثقتك بجد غالية
لكن مش اى حد يخلى الجبل يتهد
بصيت واستغربت
منين دة الكلام لساحر او دجال
قالى ابدا ياستى
انا راجل غلبان
عايش على قد الحال
بقيت انا مذهولة
بقول مش معقولةةةةة
قالى كمان ف الغيرة
والحب انتى خطيرة
تدى حبيبك الامان
كل عطف وامتنان
ممش عايزة منه حاجة
بتقولى حبة بزيادة
ومن كتر حنانك فيه بقى خاتم ف ايديكى
عايز يكون تملى ف قلبك قبل عنيكى
عرفاة مجرد كلام
واقرب من الخيال
عرفت منين يا انت اكيد تبقى دجال..
بقلمى عزة احمد ابوزيد
