الاولة: ثورة
والتانية: شبان
والتالتة:حرة
والرابعة: شجعان
والخامسة:ظفرة
والسادسة :غليان
والسابعة:كبوة
والتامنة: توهان
والتاسعة:سهوة
والعاشرة: نسيان
يا مصر يا متشحتفة
كل فرقة ف سكة
وامانى متبعترة
واحلام ع الدكة
من وقت الحرامى
لابو لحية الدرويش
وحلم كان غالى
طلع على مفيش
وبقت غنوتى وموالى
يشوف اللى يعيش
مكتوب على بابك
الحيرة للعاشقين
كتروا قوى خطابك
وهما اللى محتارين
ضاعوا فيكى الغلابة
حتى امان ما لاقيين
ورجعوا تانى الديابة
لا بسين وشوش تا نيين
شبح الاتى يخوف
والقلب القو خاف
ف زمانا ما فيش يوسف
وجاية سنين عجاف
وفرعون لو اتفرعن
ما يلاقيش ف وسطنا موسى
الغنى فيكى عزيز
والفقيرمنا به حوسه
وشهايد ف البرا ويز
فوا نيسها منحوسة
يا مصر يا مؤمنة
وموحدة بالله
حقيقتك المؤلمة
زرعت ف قلوبنا اه
يا مصر يا ام الدنيا
ودلاك يتامى الام
ام لهم تانية
مرضعاهم هم
امنا الغولة
بينت لنا نيبانها
واحنا اصل الفولة
واحنا كيالها
وجوا با تنا المقفولة
قريناها من عنواها
وادى البيضة وال شواها
كلها اكالها
والقطة الجوع عماها
قام كلت عيالها
الشاعر عبد الله الهوارى قنا قوص جرا جوس
