أنا مش قادره أصدق
*************

أنا مش قادره أصدق
ان اللي بينا كان سراب
أنا مش قادره أصدق
ان قلبك أصبح خراب
أنا مش قادره أصدق
انك قسيت وجرحتني
وغدرت بيا وخونتني
وقدرت عني تبعد
وفي يوم هجرتني
أنا مش قادره أصدق
انك انت .. هو انت
واني أنا اخترتك انت
وان قلبي كان معاك
ان قلبي في يوم هواك
أنا مش قادره اصدق
أنامش هاسامح نفسي
وأبدا مش هاصالح قلبي
لأنه معاك خاني
خاني وراح هواك
وراح أنسي أيامي
وأجمل ذكرياتي معاك
أنا هانسي كل حاجه
وهانسي أي حاجه
وهانسي انك انت
وان قلبي اختارك انت
وانه كان في يوم هواك
أنا هانسي انك انت
اللي كنت بتمناه
أنا هانسي انك انت
اللي كنت باتمني لقاه
و اني كنت دايب
يوم في هواه
أنا هانساك انت
هانسي حبك انت
وهانسي كل اللي فات
وهامحي من خيالي
كل الذكريات
وأيام عشتها وياك
أنا هانسي كل حاجه
هانسي أي حاجه
راح تفكرني بيك
أنا هانسي . ومش هانسي
اني انخدعت فيك
هانسي ومش هاندم
أبداً في يوم عليك
هانسي شوقي اليك
هانسي حبي لي
وهانسي اني كنت
يوم . بخاف وأقلق عليك
أنا هانسي كل حاجه
هانسي أي حاجه
هانسي اني أطمن عليك
ماأنا هانس حبي ليك
هاقتل احساسي بيك
أنا هانسي مع السلامه
هانسي ان روحي فيك
و هاخنق قلبي بايديا
لو يوم جه وحن ليك
وراح ألغي عقلي مني
لأجل ما يفكرني بيك
و هاقتل الحلم الجميل
اللي أصبح مستحيل
وهاصحي م النوم الطويل
ومش هافكر تاني فيك
ومستحيل أرجع يوم اليك
أنا هانسي كل اللي كان
هانسي أيام زمان
بس مش هانسي أقولك
أيوا . مش هانسي اقولك
اني مش هاكون تاني ظلك
وأبدا أبداً . مش هاسأل عليك
ولا هافكر تاني فيك
وهافوق من الوهم الطويل
والرجوع ليه . أبدا . مستحيل
أنا ماشيه مع السلامه
ماشيه وبدون ندامه
علي معرفتي بيك
وان كانت روحي فيك
أنا راح أدوس عليك
وأقتل احساسي بيك
أنا ماشه مع السلامه
أنا ماشيه مع السلامه

صفاء عبد ربه