الشاعر محمد البلاط s
يعنى ايه العيد
بقلم محمد البلاط
يعنى ايه العيد ليا
...
يعنى ذكرى تلف راسى
و احاول انسى وبرضو عاصى
ودمعى يهرب من عنينه
مره يقصد يواسينى
ومره يطبطب عليا
فكره يغسلى همومى
او يطفى النار فيا
يعنى نصف الناس حزين.
ونصف اخر
فكره كله فى هم بكره
واللى جاى مع السنين
يعنى ناس جهزه بلحمه
وناس فى زحمة الديون
يعنى ناس ضحكه عريضه
وناس بتغسل حزنها بدمع العيون
يعنى نصف شعب همه
يزيل غمه بقرصه رحمه على القبور
يعنى طفل بيبكى بابا
انتظرته على السحور
لما طال الانتظار
فى العدد صبح شهور.
والنهارده تقولى عيد
يعنى ايه العيد يا خلق
يعنى ايه العيد ليكم
ويعنى ايه العيد ليا
يكفينى عيد اليتيم
وابقى جبلى معاك هديه
