الشاعر محمد البلاط
دموع الحب
بقلم محمد البلاط
دموع الحب جميله
لو تمسحها بأيدك
وقلبى بيهدىء من حيره
بتملكنى ساعات بعدك
وبشتاق لك وانا جنبك
واطمئن قلبى بوجودك
بالمسة يدى لخدك
امانه عليك ما ترحل
بشوف الضنى فى بعدك
انا بشتاق
وادوب من الشوق فى قربك
ودمعى من شوقى بيسيل
وقلبى فى الميزان بيميل
وغاوى رباطه برغم اسير
فى حب اصل طبعه النار
لكن عذابه حلو جميل
متحرمنيش من حضنك
وهمس قلبى لقلبك
وبحة صوت من داخلى
لبحة صوت من داخلك
بنسمعها فى لقائنا
ولو اجسدنا تعبانه
بتصرخ لى وبصرخ لك
حواس الشوق ولهانه
ومهما نروى رغبتها
بتصرخ لسه عطشانه
انا بشتاق
وادوب من الشوق فى قربك
ودمعى من شوقى بيسيل
دموع الحب جميله
لو تمسحها بأيدك
ولو ساكنتنى الحيره
قلبى بيهدىء فى قربك
ولما تفارق الديره
وعنى تغيب واذوق بعدك
دمعى يعود يواسينى
ومهما يواسى
فى قلبى وراسى
نار بعدك
دموع الحب جميله
لو تمسحها بأيدك
