أغنية /// أنت يا حبيبي
أنت يا حبيبي...
راجعلى واحد تانى...
ماتت فيك كل ألأمانى...
وأنهارت فى حبى أمالى...
فين يا حبيبي حروف كلامك...
اللى طالعه من وجدانك...
طالعه منك بنبض حنانك...
و كانت معيشانى أنا فى سما أحلامى....
ده حتى كفوف أيدك مات فيها حرارة سلامك...
و فين نظرة عنيك اللى كانت فى بحورها وخدانى...
دنا كل ما أبص فيهم أنا دلوقتى ألاقى فيهم ضخور مألمانى...
دى صدمتى فيك محت ملامحك من قدامى...
و خلتك شبه حبيبي القديم لكن بدون معانى...
و ش جامد ذى أرض بارت...
عمرها ما ح تنزرع تانى...
حتى لو رويتك أنا بقبلاتى...
و وخداك فى حضنى...
و قلبى بيصرخ من اللى جانى...
حذرتك كتير يا حبي...
بلاش تجرى ورا واحده تانى...
الحب و الدفى مش ح تلاقيه أنت اللى فى أحضانى...
أديك بعد و هجرت نابك أيه تانى...
و رحت و ذوقت من غيرى مر أهاتى...
عرفت دلوقتى أنك خونت قلب حبك...
و وهبلك كل ثانيه من حياته و عمره ما خذلك...
و دلوقتى...
أنت ياحبيبي...
راجعلى واحد تانى...
ماتت فيك كل ألأمانى...
و أنهارت فى حبى أمالى...
فين يا حبيبي حروف كلامك...
اللى طالعه من وجدانك...
طالعه منك بنبض حنانك...
وكانت معيشانى أنا فى سما أحلامى...
مع تحيات شاعر الوجدان الشاعر السكندرى / على الطاووس
نشرت فى 26 يوليو 2014
بواسطة adwaeelmadina
عدد زيارات الموقع
40,003