مجله أضواء المدينه * *(أغنية /// قلبى ياحبابيبي.............. ) * ... "::: بقلم شاعر الوجدان الشاعر السكندرى/على الطاووس

أغنية /// قلبى ياحبابيبي
أنا قلبي ياحبايبي...
فاتحلكم جنايني...
بساتين حب...
و ورود أشواق بدون أشواك...
و عيونى لجمالك حراس عليك...
و أشجار الهيام عاليه و واصله لعنان السماء...
و عشب أخضر كالبساط...
و هو أخلاصي اللى أنا عاهدك عليه...
و سور غرامى أهو محوط على جمال عبيك...
و زرعتلك الفل و الياسمين عليه...
أقطف بقى ياحبي...
من بساتين قلبي...
ورد و شمه و حطه فوق الراس و علي الجبين...
تتزينى أنتى بيه...
و أجرى و ألعبي ما هى عنيا حواليك...
و نامى و أستريحى على بسط هيامى...
وحسى بالنعومه فيه...
و لكن ماتحوليشى تنطى من على سور غرامي...
لآن ده عالى قوى عليك...
و تحت أشعارى مددى و نامى...
ده أتنا فارشهوملك ظلال من أشعة أى غدر تحميك...
كل ده مش بيرضيك...
و رحتى للخراب اللى معشش فيها الغربان و بتنوح عليك...
طب هو غريمى قدملك أيه...
و لا حتى الحنين...
منه ح تلاقيه...
كان فين عقلك...
كان فين...
و أنت بتهجر و بتخون و دموع عنينا نازله عليك...
و دموع عنيا أهي نزلت تشكيك...
و بكائي ده بكاء رجال...
صعب أنت تفهم اللى فيه...
صعب أنت تفهم اللى فيه ليك...
صعب...
صعب...
صعب تفهم أنت اللى فيه...
حبيتك و خليتك ملكه على كل نساء العالم أجمعين...
لكن الضلع ألأعوج...
ما هو أعوج...
أذاى بس ح نعدل فيه...
حتى لو كنتى أمى أو أختى أو بنتى...
ما كلكم منه جايين...
ما كلكم منه جاين...
جاين لنا بالعذاب و الهجر و الصد و منا أحنا ألأنين...
و أدينا أهو عايشين بيه...
جاين لينا بالعذاب و الهجر و الصد و منا أحنا ألأنين...
ده قلبي ياحبايبي...
فاتحلكم جنايني...
بساتين حب...
و ورود أشواق من غير أشواك...
و عيونى لجمالك حراس عليك...
ده قلبي ياحبايبي...
فاتحلكم جنايني...
و الله جناينى...
و ياريت كل ده كان يرضيك...
مع تحيات شاعر الوجدان الشاعر السكندرى/على الطاووس