مجلة أضواء المدينة - ياخدودى- على حسين

أه أه ياخدودى
أه أه أه...
ياخدودى أنتى فاكره أن دى دموع عيونى...
لا لا ياخدودى لا...
دى دموع قلبى اللى محروق على حبى...
و أهو نزل عليكى دموعى علشان تشويكى...
و يدبل الورد المفتح عليكى...
اللى ياما حبيبي رواهم بقبلاته قبل ما يرمينى و يرميكى...
ياخدودى...
دى دموع العين بيجلها وقت تنشف فيه...
و لكن دموع القلب دى عايزلها زمن طويل...
علشان يقدر ينسى فيه...
و اذا فى يوم بعد العمر ما يمر...
مرت ذكرى فى عقلى...
تنزل دموع قلبى...
على الخد تشكى و تجرح...
و تحول اليوم السعيد ألى حزين...
و أنتى لسه فاكره ياخدودى أن دى دموع عيونى...
و جاءت حاجه فيها طرفتها...
وكلها كام يوم و تنشف من على جفونى و رمشى...
لا لا ياخدودى لا...
دى دموع قلبى اللى محروق على حبى...
و سابنى من غير ما يرعانى بوده...
و هجرنى و لا حتى و دعنى...
و هجر ليا و دى من غير ما يقولى...
أنه باع خلاص حب أتولد فى قلوبنا من سنين بينا...
و أهو يا قلبى فاتنا و راح و لاف على غريمنا...
و عزول كان بينا بيبص علينا و يحسدنا...
و بات من هجره قلبى...
فى حيرة ألأه و اللأه...
و لسه بيقول أن حبيبي ح يوافينى فليل لياليه ضلمه...
ينوره هو بضياه فى قلبى...
و بيه يغشي بنوره ليا عيونى...
فا نشوف بس ضيا ظله...
و من كتر ما قلب أستنى...
و صول حبى بكى...
على ليل ما أنتهى...
و لسه أهو هو عايش فى ظلمه...
فنضحت ياخدودى...
دموع قلبى على عينى و رمشى...
فنزلت دموع عينى عليكى تمشي...
و المشاعر اللى كانت جوايا...
نبع صافى بيشرب منه و يتهنى...
و بتروى لأحساسى وجده...
جفت مية الشوق الصافيه فى منابعه...
من بعد ما كان بيشرب منها قلبى...
و حبيبي بنهم ليتغذى...د
بيها حبى...
فايشبع منها و لا يعود تانى يعطشى...
و حبيبي ياخدودى...
اللى مفتاح قلبى فى يده...
قفل عليه فاصداء بصده...
و باع مفتاح قلبى ووده...
لليالي السهر و السهد و الحيره...
فسكنوه غصب عنه و بهدلو فى جوارحه...
أعمل أنا أيه دلوقتى ياخدودى...
فى ألمى...
و أنتى ياشفايفى...
فى اللى صابك و صابنى...
و نزل عليكم دمعى...
و محى من على وشى فرحت قلبى...
و خلاه فى ليل همه يبكى و ينعى...
و ما عندناش ياخدودى...
يجى حبيبي يبوسنى على خدى...
و بطلت كمان تنطق بأسمه شفايفى...
و ألاسم ليا بس فى الدنيا حبيب...
و أهو هاجرنى...
و أنتى لسه فاكره ياخدودى...
أن دى دموع عيونى...
و جاءت حاجه فيها طرفتها...
و كلها يوم و تنشف من على جفونى و رمشى...
لا لا ياخدودى لا...
دى دموع قلبى...
اللى محروق على حبي...
و سابنى من غير ما يرعانى بوده...
و أهو هجرنى ده حتى من غير ما يودعنى...
أه أه أه...
ياخدودى و أنتى فاكره أن دى دموع عيونى
لا لا ياخدودى لا...
دى دموع قلبي اللى محروق على حبى...
و أهو نزل عليكى دموعى علشان تشويكى...
ويدبل الورد المفتح عليكى...
اللى ياما حبيبي رواهم بقبلاته قبل ما يرمينى و يرميكى...