................. ( وقفت بيا الحياه ) ...................
.............. وقفت بيا الحياه ................
* وقفت بيا الحياه ..... وقفت بيا السنين .....
مش لاقى طوق نجاه ..... وأنا بغرق فى الأنين .......
والحلم فى ثانيه تاه ...... وراح فى غمضه عين *
................ وقفت بيا الحياه ................
* يستضعفنى الزمان ..... تلعب بيا الأيام .........
أديت كتير حنان ...... ومخدتش ألا ألام ......
وفى رحله النسيان ...... مبطلعش لقدام *
................ وقفت بيا الحياه ...........
* عاشت ليا الدموع ......... ومشيت ويا الأهات .......
ولما حاولت الرجوع ...... لقيت الوقت فات ....
..وبهرب من الخضوع .... للتوهه والسكات *
.............. وقفت بيا الحياه ..........
* حقيقتى جوه منى ...... لكنى مش لاقيها .....
ومداريه عنى ..... ومفيش ملامح ليها .......
لحياتى ساعات بغنى ...... وساعات ببكى عليها *
............. وقفت بيا الحياه ................
* سألت الدنيا ليله ....... قوليلى أنا أبقى مين ........
أنا كنت صوره جميله ........ شوهتها السنين .......
والعيشه مستحيله ........ وانا بين البينين .........
.................. وقفت بيا الحياه ..............
* دقت ساعه النهايه ..... بالثانيه والميعاد ........
قلبى عجز جوايا ....... يادوب وأنا لسه واد ..........
والماضى نار ورايا ........ والمستقبل رماد *
............... وقفت بيا الحياه ............
* ميزان عمرى أتقلب ........ تاهت أحاسيسى فيا .......
ضحكه من غير سبب ......... وزرع من غير ميه ..........
فعلا ياللعجب ........ بضحك بنفسى عليا *
................. وقفت بيا الحياه ..........
* سنه وأتنين وخمسه ...... ومفيش أى أختلاف .......
والواحد برضه لسه ......... أعمى ولا عمره شاف .........
كانت قدامى فرصه .......... أعيش لكن بخاف *
...................... وقفت بيا الحياه ..................
................................ ( وليد ) ........................
