........... * من أعز كلماتي علي قلبي ... يارب تعجبكم * ..............
.............* ( وأيه في الدنيا دي يتحب ) * .............
..............................
* وأيه في الدنيا دي يتحب ....... الغدر ولا الخداع والكدب .....
دي دنيا فاضيه ومفيش فيها ..... حنان ولا أخلاص ولا حب *
............................
* يادنيا قلبها أسي ...... أنا فاكر ومش ناسي ......
جراحك فيا وعذابك ....... تملي كاتمه انفاسي *
...........................
* سنينك مش عايش فيها ..... بأيامها ولياليها ......
لا عايز ضله بسماكي .... ولا أرضك عايز أمشي عليها *
..........................
* دي ناسك كلها تخوف ..... بتستقوي وتستضعف .....
ماأعرفش ليه بقوا ديابه ..... ماأنش عارف ولا عايز أعرف *
............................
* ولا أحاسيس ولا مشاعر .... بتسوي في زمن غادر .....
والحب مابقاش ليه وجود .... رحل ومن زمان سافر *
..........................
* أنا مصدق أكيد أنه ....... مفيش واحد هيجي منه .....
دي دنيا كلها خاينين ...... ده الواحد ياما خاب ظنه *
.........................
* ساعات ودقايق وثواني ...... وناس كتيره بتنساني ......
أنا عشت في الدنيا كفايه ...... ومش عايز أعيش تاني *
.........................
* يادنيا ياأم مليون حال ....... أنا عندي ليكي بس سؤال ....
هاتيلي حاجه فيكي حلوه ...... أو حد معاه يرتاح البال *
......................
* يادنيا نورك ليه ضلمه ...... تملي مؤذيه وظالمه ......
حياتي فيكي ماتلزمنيش ....... لأنك معندكيش رحمه *
.....................................
* .............. ( وأيه في الدنيا دي يتحب ) ................ *
........................
* كلماتي / وليد غانم *
