مين الانسان
بقلم محمد البلاط
فى يوم فكرت اكون دكتور
واحلل نفس الحيوان
مره لكلب ومره لثور
وجبت الكلب صاحبته
وربيته واطعمته
ثلاث شهور
لازمنى ولازمته
وكان لى صديق حنين
وكنت ليه انا عائلته
ويوم شحته لجارى
بجنزيره
وكان حالى
كأن ما شىء جرالى
لكن كلبى حزن منى
وانا انسان
عادى الموضوع وبغنى
لاانا شاغل دماغى بيه
ولا حزنه بيألمنى
وبعد ساعات هرب جالى
ربطته ليه وخده تانى
وبعد ايام خبرنى
بان الكلب مات منى
سألته السر فى موته
جوابه صراحه جننى
قطع الذاد حزين منى
وفضل موته مع غيرى
وميكنش بعيد عنى
حزن الكلب
ليه الاخلاص يكون منه
ورده بغدر يكون منى
يموت من الجوع بعيد عنى
وانا انسان وبغنى
فى زمانا مين الانسان
