مجلة أضواء المدينة - صرخة وداع - ياسر عيد

الرجوع إلى قائمة المقالات

صرخة وداع

إبكى ياعين
وابكوا معايا
راح حبيبى
إبنى ضنايا
طالعه منى
صرخة وداع
غصب عنى
ضنايا ضاع
--------
وكله يهون عشانك يامصر
--------
بتبكى ليه يااما افرحى
وامسحى دمع العينين
وإدعى يااما وسبحى
دا يبقى حلم المسلمين
ومتخافيش أنا مش وحيد
أنا فى جنة ربنا
ومعايا يااما كام شهيد
كنا بنحمى أرضنا
--------
وكله يهون عشانك يامصر
--------
غصب عنى يابنى ببكى
لما شوفتك فى التابوت
أصلك إنت تبقى يابنى
روحى أنا وبعدك أموت
أنا عارفه0ومش خايفه
إنك رايح عالجنه
لاكن روحى كمان حالفه
بعدك ثانيه ماتتهنى
--------
وكله يهون عشانك يامصر
--------
لا يا أمى ماتحزنيش
أنا سايبك مابين أهلى
نموت نموت ومصر تعيش
عشان خاطرى بلاش تبكى
مصر دى يا أمى بلدنا
لو عشانها مانضحيش
يبقى مالوش لازمه وجودنا
ولا حتى ينفع فيها نعيش

  • Currently 0/5 Stars.
  • 1 2 3 4 5
0 تصويتات / 16 مشاهدة
نشرت فى 5 يوليو 2014 بواسطة adwaeelmadina

عدد زيارات الموقع

39,996