بورييييييييييييييييه من طبع الرجاله
تفهمهم لا استحالة
الواد مستنى ميعاد
طيب ما يدوق الباب
لازم لف ودوران
وكتابه على الجدران
لو حبيبته هى وسلمت قلبها
يبقى يا خرابى
يا سواد اهلها
يقول مش مستحيه
ومتنفعش ليه
و يخطبها علشان مؤدبه
يرسم عليها دور
عامل ابن ناس كله رقة واحساس
تتدبس الخايبة
اتاريها جوازة نايبة
يعاكس فى دى ودى
ويقول يا ناس هملانى
جابت العيال دايما منفضانى
امال تنفض مين
دةواجبك يا جميل
ولا انت بخيل
بعت شبه حمدين
اصلك مطلع عنها
هتصرف هى منين
طيب اديها المال
وتصرف على الجمال
لو انت مكفيها
بالخير دايما مديها
هتلبس وتتشيك
تتبرفن وتتدلع
طبعا جوزها مدلها
لما بتقول مفيش
يبقى متشتكيش
حس بيها شوف غلبها
واتعاون انت جنبها
ليه كل الشكاوى منها
متبص يا سيدى لنفسك
كنت منسق ومهندم
دلوقتى الكرش مترين
وشكل يا سيدى مش زين
واهى مستحمله
ومعاك متبهدله
بورررريه من الرجالة
بقلمى عزة احمد ابوزيد
