عجيب يا زرع
بقلم محمد البلاط
عجيب يا زرع زرعناه
وسقبنا وربينا
وشوكك لما جرحنا
بنتألم ونتكلم
كلام جارح ولعناه
بنرشى كتير ونتراشى
نطوف بالكذب كا فراشه
وبنحلل لنفسنا
وبنحرم على الشاشه
ندق الطبله والمغنى
ونتأمل فى رقاصه
ونتمنى يكون لينا
ونصيبنا يهنينا
بنظره منها ورصاصه
ونفرح بالغزل منها
ونتمنى تكون فاظه
ولما العار يحصلنا
بنتبرا من العوصه
نبيع بالغالى ونسترخص
ونتمنى الزمن يرخص
ونتندم على ماضى
الكذب فيه كان غالى
والصدق فيه كان ارخص
وحب الناس كان عالى
وعار من اللى بترقص
والفنان فى زمانا
قديماً سعره كان ارخص
مشخصاتى كان اسمه
وبالرصاص كان رسمه
زرعنا الشوك وجانينا
وسال الدم فى ايدينا
وبكى القلب بحرقه
ودمع العين غطانا
بنندب حظ هوانا
وبالسانا عليه من بعد
صرخنا ليه و نادينا
ولما راح وتاركنا
وراه بقدمنا جرينا
وحايلناه وسايسناه
وحتى الرشوه اعطينا
ولما جرحنا فى قلوبنا
بدمع العين بكينا
ونندم تانى ونتندم
ومن الفكر بنتمتم
عجيب يا زرع زرعناه
