مجلة أضواء المدينة - قيود حبك - على الطاووس

أغنية /// أنا ح أكسر قيود حبك
أنا ح أكسر قيود حبك...
اللي كبلت جوايا وجداني و مشاعري...
أنا خلاص مش قادر أعيش في نار بعدك...
و ح أدور علي حب جديد ينسيني هجرك...
و أعيش هواه و ح أفتكر بس أساكي وغدرك...
أنا ح أكسر قيود حبك...
و لو جاتني صورتك في بالي...
أو حتي لمحتك أمامي...
ح أضحك بصوت عالي...
و الأنين يصاحب ألم في صوتي العالي...
و ح أهمس لحبي الجديد بأجمل الأماني...
اللي أنتي منها كنتي حرماني...
طول ليالي علي ضوء قمر يمكن أجي علي بالك...
أنا ح أكسر قيود حبك...
و ح أغير من لمس الهوا لخدودك و رمشك...
و لكن ح أعيش مع حبي الجديد أيام هنا أتمنيتها في قربك...
أنا ح أكسر قيود حبك...
واللي راح مني...
في سنين غصب عني...
ح أعوضه في لمسه من حبي...
يفرح بيها قلبي...
وتسعد عيني...
و أمحي صورتك من علي النيني...
و ح أنسي لمسة يدي اللي مطبوع عليها كف يدك...
و أنا...
دنا...
ح أكسر قيود حبك...