<!-- / icon and title --><!-- message -->وصِيَّه مِن قبل مُوتي أبكتِبها بدُون ألقاب
................ عشان اللِّي يجي بَعدِي
يتذكَّرني ويقراني

صَريحَه صَفحِتي هذي وبخلِّيها بدُون احجَاب
..................... بَسولِف للمَلا .. واللِّي على قلبي على لساني
بَعَلِّم غِيري وش فِيني مِن همُوم وشِقى وعتاب
..................... وعلى فِكرَه ترى قلبي(حقيبه) كلَّها أحزاني
أبذكِر .. كِل ما أذكِر مَدام إن الزمَن ينعاب
..................... أبغرق .. وأشعِل ظنُوني مَدام إن العُمر فاني
برسِّي مِن بُقى فيهُم وعَسَاها تِسلَم الأرقاب
..................... وأبلفِظ آخر أنفاسِي عشان القاصِي والداني
ترى ما كِل مِن قرَّب قِريبٍ .. والغِياب غياب
..................... ولا كِل شَخص يِضحَك لِي أعِدِّه مِثل إخواني
أهاب المُوت في لحظه ولحظه المُوت مِنِّي يهاب
..................... أواسي نفسي بنفسي وأكُون المَجني الجاني
أنا ما أكتِب شعوري عَشان ألقى صَدَى وإعجاب
..................... أنا أكتِب .. لَجِل أرضِي جُروحي وضِيق كِتماني
وإذا قلبي غدا شايب من همومه بَعدني شاب
..................... وعُمري توَّه صِغيِّر ... وقُويَه حِيـل أمتاني
أبد ما كِنت مِتصَوِّر تِجيني نشوة الأحباب
..................... لأني ما عرفت [ الحُب ] .. إلاَّ يُوم ناداني
وقبل لا أقول كِلماتي وأودِّيني على المحراب
..................... أبدفِن دَفتِري بإيدي .. مَدام الوَقت حدَّاني
إذا شمس اللِّقا غابت وتفارقنا بدُون أسباب
..................... بتذكرني مَع الأيام ؟ .. وإلاَّ عادي تنساني
سؤال يدُور في بالي حبيبي والظنون إقراب
..................... أنا إن رِحت عَن دربي يا غالي وين ألقاني ؟
وإذا كان الوصِلْ صَادِق ترى بُعدك عَلي كذاب
..................... أفكِّر فِيك وفي حَالي حقيقه الحُب أعْمَاني
خذاني مِنْك وسواسٍ فِتَح للأسئِله .. أبواب
..................... يخلِّيني أشِك إنِّك تِحِب لِك واحِد(ن) ثاني !!
يا خوفي الحظ ما يصدق معي وننتهي أغراب
..................... لأني كِل ما أحْلِم أشوف .. الوَقت صحَّاني
حبيبي .. لا تِطمِّني وتِشقِق مِن غلاي ثِياب
..................... أبَسكِن دُوم في بالِك و أبيك تِكُون عنواني
مَدام إنِّي لَجِل عِينِك زَعَل مِنِّي كِثير أصحاب
..................... ترى لازم لَجل عِيني .. تِعَوِّض كِل حرماني
نويت أكتِب شِعِر عَنِّك مَدامِك للشِعِر طلاب
..................... عسى يعجِبك ما باقي مِن حُروفي وألواني
أغمِّض عِيني وأكتِبلِك وأفتحهَا ألاقي كتاب !
..................... شعوري إنصدم منِّي .. وأثاري هذا ديواني
منقوووووووووووووووول<!-- / message --><!-- sig -->

 

المصدر: ملتقى ابناء الباديه
abubder

قالوا سكت وقد خوصمت قلت لهم ..... إن الجواب لباب الشر مفتـــــــــــاح والصمت عن جاهل أو أحمق شرف ..... وفيه أيضا لصون العرض إصلاح أما ترى الأسد تخشى وهي صامتة ..... والكلب يخشى لعمري وهو نبـــــاح

  • Currently 55/5 Stars.
  • 1 2 3 4 5
17 تصويتات / 373 مشاهدة
نشرت فى 11 يناير 2011 بواسطة abubder

ساحة النقاش

sohaila28

niceeeeeeeeeeee

abubder

مششششششششششششششششششششكور اسعدني تواجدك

يونس ابوصفره فى 27 يناير 2011

الشاعر : يونس ابوصفره

abubder
الى كـل مـن احـب الكلمـه الصادقـه والتعـبير الـطيب عـن الامـور الطيبـه اليكـم جميعـاً أسس هـذا الموقـع »

ابحث

تسجيل الدخول

عدد زيارات الموقع

63,007