شيخ الكذابين
فالناس امقدر على الفتن بين الخلق
يفرح كل الفرح ان اشوفهم مختلفين
يمشي يعمل حاله من اهل الحق
وهو موته انه ايشوف اثنين متفقين
تاخذ منه شكل وصوره ونمق
وكأنه ابن تيميه ولا ابن عثامين
يحط في قلبك من صاحبك خوف وقلق
ويربكك حتى عن التفكير الرزين
ايشوش علك وزق الكذب في راسك زق
يسقيك الكذب ممزوج بالكلام الزين
لو دققت عله تلقا في كلامه ابهق
بس ما يطلعوها غير الناس العاقلين
مخاوي الشيطان والشيطان لما شا فه رق
وقال هلا بخوي هلا ابنور العين
افديك روحي والقلب لما شافك دق
انت الصديق وانته نصير المغتابين
تلقاه في كل المجالس ما يبطل نق
والبلاء ان له ناس بينا مستمعين
ايرص الكذب كنه يقراء في ورق
ويصلي على النبي بين الحين والحين
فالناس لما يسمعو كلامه يقولو صدق
وهو ماهر فالكذاب وشيخ الكذابين
لن ما خذت بالك تغرق في كذبه غرق
بحر كذبه عالي موجه يغرق السباحين
امسوي على بيته للكذب طبق
وله في كل ابيوت الناس امراسلين
ايبث اسمومه ويسوي بين الخلايق شق
وفالناس يعجبه سماع الكلام الشين
ايدور صيده بين الناس ابمكر اوحذق
ويرمي اشباكه على الناس المرتابين
يعزم الشيطان وحط قدامه مليون طبق
كلهي مليانه من اخبار المسلمين
الحمار ان شافه فالطريق نهق
عرفه انه من فصيل الشياطين
لا ينكسف ولا في وجهه عرق
ان ظهركذبه ونكشف بين الصادقين
كل الاحترام للحمار لما عرفه شهق
اعلن استنكاره ورفضه للفتانين
والباقي علينا احنا ياهل الحق
ياأما نطلق الحمار ونشوف لينا رباطين
لاكن ادعي الله في ليل وفجر وغسق
انجينا منه ومن اخوانه الشياطين
ساحة النقاش