رحمتك يا رب نعمك كثيرة ولكن نغفل عنها "اللهم ذكرنا بها حتي نصل لرضاك وعفوك يارب":

اولا: - ربنا عز وجل اعطانا نعم كثيرة لا تعد ولا تحصي من بداية ان خلقنا الي الممات خلق- رزق- حياة- نعم- كرم من عنده - نحن في بعض الاحيان ننسي وهو لا ينسي
كل ده ولا نحمد ولا نشكره يا اخي يا اختي لو انسان خدمنا خدمة او عايزين يخدمنا سوف نظل نقول ونعيد معاه حتي يرضي علينا طيب مين من الافضل ان يرضي علينا هل هو الله الخالق ام الانسان الضعيف اقول لك لو ربنا رضي عنا سوف يرضي عنا الكون كله وكيف لا اكون عبدا شكورا واعطانا الله كل ذلك ابد ابدأ من اليوم حتي لو ارتكبت كل المعاصي توب الي الله لان رحمته اقرب مما تتصور هتكون عملت ايه مهما عملت تقرب من الله سوف يكون قريبا منك استغفره يغفر لك جرب كده انسي انك بعدت عنه في غفلة من الزمن ولكن قرب منه سوف تجده ارحم مما ان تتصور ومين ارحم واحن من اللي خلقك لانه وحده يعلم ما بك وما معك وما معك تعالي ولا تخف ان الله يغفر الذنوب جميعا الا ان يشرك به سامع انا بقول ايه الا ان يشرك به بس توب وارجع اليه شوف هو الخالق سوف يعمل معاك ايه ولا تؤجل عمل اليوم الي الغد لانك لا تعلم ماذا يحدث اللحظة اللي جاية اخي لا تقنط من رحمة الله بس ابدأ وشوف ربنا هيعمل معاك ايه اذا قربت اليه قيراط سوف يقرب اليك عشرات القراريط انسي ذنوبك وتذكر الله وهو سوف يمحيها طالما انت رجعت اليه لانه يقول ان عدتم عدنا وده وعد من الخالق لا يساويه اي وعد اللهم بلغت اللهم فاشهد وعليك توكلنا وهيا نشوف كرمه علينا ازاي كرم ما بعده كرم.
:ثانيا: مع عالم الحسنات اللاتي يمسحن ويمحين بامر الله السيئات
1- الحسنة بعشر امثالها او بعشر حسنات والسيئة بسيئة فقط يعني مفيش احسن من كده.
2- الانفاق في سبيل الله له اجر مضاعف ومضاعف والله يضاعف لمن يشاء ربنا يزيد كمان وكمان اظن مفيش تجارة بتجيب ما يساوي هذا ولان التجارة مع الله فانها مربحة دائما.
3- شوف الصلاة بكام حسنة علي حسب القول والفعل وكل ما فيها اي كل حاجة فيها بعشر حسنات بالاضافة لاسقاط الفرض.
4- شوف بنصلي في اليوم كام صلاة فرضية خمس صلوات في اليوم غير السنن وتارك لك حرية صلاة السنن شوف كام اجرك في اليوم دي تجارة مفيش زيها.
5- شوف في الاسبوع كام صلاة والشهر كام صلاة اضرب 5x30 =150صلاة فرضية في السنة 365x5= شوف كام صلاة ده غير السنن.
طول عمرك بتصلي شوف كام صلاة ده مش ببلاش عند الله كل شيء بثمنه والله يثمن كيف شاء.
6- ده غير صلوات الجمع والاعياد وصلوات الشكر والحمد والحاجة والجنازات شوف الاجر من عند الله قدره ايه باذن الله سيكون الاجر لا تتخيلوه.
7- الصلاة في الحرم المكي بكام صلاة والحج بمناسكه وزيارة الحرم المدني واجره ولو اتيح الفرصة للذهاب الي بيت المقدس والصلاة فيه كام الاجر.
8- العمرة والزكاه والصوم وتثمين النطق بالشهادتين والذكاة والتصدق والدعاء والتسبيح شوف ربنا موسعها ازاي في الاجر والثواب يا حظك يا من تقوم بذلك و جزء منه رحمتك يارب..
9- والكلام في الخير والدعوة اليه والدعوة لله للمستطيع وزيارة المريض والنصح في الخير و و و و الخ شوف ربنا موسعها علينا ازاي بس احنا اللي مضيقنها علي انفسنا شوف الخير ده كله واذا لم نستثمرة وندخل بها الجنة يعني اللي لم يستغل هذا الاكازيون ويدخل الجنة فانه فعلا لا يستحقها.
اذن صدق القائل ان كل لما خلق له فاهل النار في النار اغوذ بالله منها واهل الجنة للجنة الله قربنا منها وارزقنا اياها اذن نحن من يكسب الخيرات او السيئات بايدينا ومشيئة الله مدد يارب اهل الخير هيا نغرف من خيرات الله بالحق والحب والسلام والدعاء والصلاة المكتوبة والسنن والصلاة علي نبينا محمد صلي الله عليه وسلم وغيرها من المفروضات والاركان اللهم ما تب علينا واغفر لنا واجعلنا من عبادك المخلصين واجعلنا من عباد الرحمن بصفاتهم وافعالهم الله امين يارب العالمين.