(مش هجرتك)
عشق عمري هو انت
وانت شاهد
عشت عمري جنب منك
شخص واحد
دمي يجري جوه دمك
نبض واحد
مخدعك كان بين ضلوعي
وكنت راقد
لكن انت طلعت قاسي
عنيد و جاحد
كنت فاكره طول حياتي
اني حبيبتك
احلي لحظه ف ذكرياتي
كات في جيرتك
بس ياخسارة هوايا
وانت تتكلم ورايا
روحت قلت اني هجرتك
واني سهرتك ليالي
وان انا اللي خلقت حيرتك
لأ ياظالم بس غالي
مستحيل اكون كرهتك
مستحيل يخطر في بالي
حتي صدفه اني هجرتك
قولي بس ازاي راح اقدر
انسي حبي ليك واهجر
وكل دقه جوا قلبي
جايبه سيرتك
وكل نظره من عيوني
شايفه صورتك
مش هجرتك ياحبيبي
مش كرهتك
بس انا اللي مابين هنايا
وبين سعادتك
هي غيرتك
هي غيرتك
@@@@@@@@@ 
محمود ناصر