اه بحبك
----------
اه بحبك يا ام الضفاير
قلبى عليكى داير
و فكرى فيكى حاير
تندهيلى اجيلك طاير
تهدى حبى اللى ثاير
وفى حبك عمرى ما كنت جاير
اه بحبك يا ام الضفاير
اه بحبك يا مصر
*****
اه بحبك يا ام العيون السود
حبى ليكى من غير حدود
علشانك اعدى اعلى السدود
و احطم كل القيود
واجيلك بقلب ودود
اهديكى اجمل الورود
يا حب ملهوش حدود
اه بحبك يا ام العيون السود
اه بحبك يا مصر
*****
اه بحبك يا ام العجايب
ياللى فى حبك قلبى دايب
و بيحن ليكى كل غايب
انتى اتربى فيكى كل ولد و كل بنت و كل شايب
واللى جار عليكى فى يوم بكره يرجعلك تايب
وفى حماكى عمرى مابقى هايب
اه بحبك يا مصر يا امى يا ام العجايب
اه بحبك يا مصر
كلمات نبيل زيدان