* مِـرايتـى صُورتـك حبيبتـــــــــــــى *
عَاشق أنا يادنيتى .. عَاشق تَفاصيل ملامحك .. عاشق دمعك وفرحك .. حبيت فيكى حبيبتى .. لمسة اِيدبكى الحنونه .. وكَيًان بيحضُن آمالى .. يِقولى ذَراتك فى بالى .. وطِيفك ساكن خيالى .. يداوى أنين الليالى .. فى عنيكى وَطنى حبيبتى .. مِن نَظره لِيكى ياعمرى : مَحيتى سنين غُربتى * مش بس بَعشق لُغاكى .. ولا عَايش فى قلبى نِداكى .. وَهبت ليكى أنا .. نَبضى وعمرى وكيانى .. هَواكى زهرة شِعُورى .. بَارويها بصَبرى وعهودى .. مع كل نِسمه تِعدى .. بَاعِتلك شُوقى اللى سَاكن .. فى رُوحى وأحضانى .. لو من العالم ياقلبى .. كل المعالم ضاعت .. فِيكى اِنتى وبس : بلاقينى بعد ما تاهت حقيقتى * من اِبتسامتك حبيبتى .. بلًوِن طَعم أيام حياتى .. ولما يِحضُنى طيفك : أحس انى مالى فى الكون سِواكِى .. أشكى لطيفك حَنينى .. يقول لى لهِيبك كَاوينى .. ماشى فى دمى ووريدى .. وجودى انتى حبيبتى .. وانتى نهايتى وبدايتى * فى بُعدك بتِنزف آهاتى .. مِتغرب وياكى عمرى .. مُشتاق للحظة لِقاكى .. تِحضنى حروف نداكى .. أدوب معاكى ياعمرى .. نِدوب فى لحظة هَنا .. للكون صَبحنا المَصير .. قَلِب الحنين عِشٍنا .. هوانا هيعيش ياقدرى .. نبضُه حَياة قلبنا .. هو سنين عمرنا .. ملَوِن عمرِ اشتياقى .. بِلُون عنيكى اِنتى * أجمل ما فيا حبيبتى .. تفاصيلك اللى ساكنه .. جوه جوه الروح ..بسمتك .. حروفك .. لغاكى وصمتك .. حاسس بنبضك فكرى وخيالى .. عايش على وعدك .. يِحيىِ فيا الأمانى .. يداوى دمع اشتياقى .. ويواسى آهات الليالى .. ويطًمن فيا كل قَلقِى وحيرتى * خَبِيت هواكى ياسرٍى .. تحت جلد الحنان .. وداويت بسِحرك أنا .. كل جرِاح الزمان .. الكون ده مخلوق لنا .. قبل الأوان والمكان .. هوانا فى دمنا .. بين الضلوع سَكَنِك .. قلبى حارس خطاكى .. دقاته أنفاسك .. ونِهاره ده ضَيِك .. فين انتى ما كنتى * ليه ياحبيبتى حبك هو مصيرى ؟ .. ليه صورتك فى كفٍى .. واِسمك تاج على جبينى ؟ .. ليه بيكى اِحساسى قايد لهيب ؟ .. شايفك بعيون فؤادى .. مهما عنِى بِعدتى * ياطير الحب يا معَدِى .. أمانه تقول لمحبوبى .. حبيبك داب من الأشواق .. ياللى قدرى اِنتى .. مصيرى ومكتوبى . .بعنيكى شايف ضِيَا وجودى .. شايــــــــــــف فـيكى نفســـــــــى .. لأنــــــــــك مرايتـــى حبيبتـــــــى *(شعر/ اشرف حنفى على)* *****************************************