ليه يا زمن

انا قلت اجيلك واسالك 
ليه يا زمن قاسي 
وجبت همك كله 
حطيتو فوق راسي 
هيجت ريحك ليه
وانا موجي كان راسي
غرقتني في همومك
وانا كنت عامل ناسي
وجبرتني علي الغربه 
وفراق لصحبي وناسي
كل اما اقول اتكلم 
همك يزيد أخراصي
امتي تروق وتبتسم 
انا ذاب خلاص احساسي
ولا فارقني للابد 
وخد شيطاني العاصي
يمكن ساعتها افوق 
وارجع الاقي أساسي
وحبل فكري يروق 
بالصدق وباخلاصي
وارسم ليالي ورود
منها تطيب انفاسي
ابعد وشيل الهم 
وحس بيا اتلم 
دي الضحكه فيك بالغم
وعلاج واقراصي
انا لا عايز ملك
ولاحتي كراسي
لا انا قلت عايز خدم
ولا ثروة وحراسي
كل اللي عايزه البال
ديمن يكون راسي
واتسبني اعيش مرتاح
مع قلمي وكراسي

. حماده محمد الراوي