* حبيبتى شايفك باحساسى *
حبيبتى لحظة ما اتلاقت عيونا : واحة محبه ونور .. سكنت نبضات قلوبنا .. فى البعد حبيبتى الشوق .. دايما يجمع ما بينا .. بفكر فيكى حبيبتى .. حتى وأنا ناسى * مين اللى قال البعد بينسى .. ده حُبك فى روحى وكيانى .. وف دمى وف حسى .. حنين جوه الضلوع يسرى .. بحبك لأن حبك صالحنى على نفسى .. بحبك لأن فيكى وفائى وكل اخلاصى * بناجى طيفك حبيبتى .. يتبسم وجه القمر .. ملاك انتى حبيبتى ..لكن فى دنيا البشر .. عايش على همس صوتك .. روحى سكنها محراب حروفك .. بيردد نداكى نبضى .. وكل أنفاسى * شكيت للبدر حالى حبيبتى .. سالت منه دمعاته .. قاللى أنينك كوانى .. وقلبى نزفت حتى نبضاته .. ومين غيرك يابدرى .. واخد أنينى فى أحضانه ..ومين غيرك رسولى لحبيبتى ؟ .. غير ضٍيك وآهاته .. ده انت أنيسى اللى بحنانه : بيلمس جراحى .. يداويها ويواسى * حبيبتى جوه ضلوعك .. خبينى واخفينى .. وجوه جوه الروح .. دارى شوقى وحنينى .. ده حِصن سِرك أنا .. وأنا اللى حارس كيانك .. يا دنيتى وناسى * حبيبتى هديه انتى م السما .. قلب لملاك انتى .. بوجدانى سما .. ولا نبع بيروينى بالهنا ؟ .. الحرف منك حبيبتى .. بيمحى كل المآسى * بشوف صورتك حبيبتى .. فى خدود كل الورود .. عايش وزادى هواكى .. صاين كل العهود .. حبيبتى مهما دوبنى شوقى .. وكوانى جمرى وحريقى .. هواكى هو طريقى .. عايش فى وجدانى نور .. وصبحت فيكى حبيبتى .. هايم كما المسحور .. ملامحك محفوره فى دمى .. معايا حتى فى حلمى .. لو بينا مليون ألف سور .. هوانا قدر مسطور .. وازاى أنسى حبيبتى ؟ .. وانتى الهوا والنور .. وانتى اللى ف شرايينى مهما غيبتى .. لأنى شايفك حبيبتى .. بعيون روحى وفؤادى .. بكيانى وذرات حواسى .. شــــــــــــــايفــــــــــك باحساســــــــــــــــــــــــــــــــــــــى *(شعر/ اشرف حنفى على)* **********************************************************