(خساره)
دخلت مره بستاني
عشان افرح عشان اسعد
لقيت الزرعه زعلانه وشكياني
لايها حد
عشان قال ايه مزرعتش
معاها ورد
زرعت ورده بايديا
وراعتها من المصغر
قطعت وريدي ورويتها
عشان تعلى عشان تكبر
قلت خلاص بستاني
كدا يحلو
وريحة وردتي الزينه
تعبّي الجو
ولونها حيرسم الفرحه
علي اللي يبص
ونحله جنبها فراشه
لرحيقها تمص
ومر اليوم ورا التاني
ومر العام وراه العام
وهي بتكبر علشاني
وانا عايش مع الاحلام
ومستني بقالي زمااااااان
ليوم القطف
وقلبي بالهوي مليااااان
بحب وعطف
وكبرت وردتي فجأه
بلا انذار
جريت اقطفها ما يحوشنيش
الف جدار
ولقيتني عشت في ذهولي
وصابني الصمت
لما الزرع قالولي
يا سيدنا غلطت
وجوه وردتك ساكنه
بذور السنط
*****************************************
محمود ناصر
