*أنا اليتيم*( خاطرة )
***************
مال الدنيا كدا آسية عليا
أنا ذنبى إيه إنى مالى أمى ولا أبى
يسألوا فيا
ولا يحسوا ولا يبكوا 
نفسى حد يحضنى 
ويدفينى الدنيا برد 
وكمان أنا جعان
ياه مافى حد سأل فيا
ولا حاسس بيا
شايف الناس رايحة وجاية 
ولا حد سأل منهم فيا
دا القطط والكلاب ربنا بيرزقهم
أنا عارف بسمع من الناس 
ربنا كريم
وبيرزقهم طيب تلاقى ربنا بيرزقهم 
علشانى وعلشان اللى زيى
أنا بكلم روحى ومش عارف بقول كلام صح ولا لا
ما أنا ما إتعلمت
ولاحد قال لى إتعلم
هو أنا لاقى أكل ولا بيت علشان أتعلم
طيب أروح فين يا ناس
أنا عايز أكل وحضن وحنية
أه أه نفسى أنام فى حضن أمى 
زي القطط والكلاب ويبقا عندى أم
أبسط حاجة مش عارف أحققها
ياه ياه أنا بردان
أنا جعان حسوا ياناس بيا
وأنظروا ليا
دا انتم راكبين عربيات 
وأموالكم مدفياكم
ومش قدرين تحنوا عليا
وأنتم اللى ربنا حن عليكم
وأعطاكم مش علشنكم 
داعلشانى أنا وعلشان اللى زيى
أه أه أنا بردان أنا جعان حسوا بيا
يارب حن انت عليا
الناس مش حاسه بيا 
وإرسل لى حد يحضنى ويدفينى ويأكلنى
وإكرمنى
دا الرسول كان يتيم وأكرمته وكرمه
زاد وحنيته على اليتامة والمساكين اللى زيى
************************************
بقلم / كريمة دندش
28-12-2015