قصيدة:(بحبك)
--------------- 
هقول بحبك انا تانى
ورمش عنيكي دفانى
في لحظه لما كنت وحيد 
بقيتي أهلي وخلااني
بشوفك كل يوم مره 
ببص عليكي لو نظره
ولما يوم انا مشفكيش
بحس الدنيا دي مره
دايما بشوفك قدامى
بشاركك كل احلامى
بحس سعات كأني جريح
وحبك طب داوانى
وبحكيلك علي يومى
من فرحي وأحزانى
وعذرا ليكي انا اسف
لو شيلتك هموم متعبانى
بحكيلك حكاوي كتير
مبحكيهاش لناس تانى
بحس سعات كأني غريق
ومركب حب نجانى
وبوصف كل حاجه فيكى
علشان إنتي عجبانى
وشك ده قمر ساطع
وشعرك عالجبين حانى
بحب فيكي أخلاقك
وزوقك برده العالى
بحس إنك ملاك جانى
ومن بعيد اتلقانى
حبيبتي انا بقلهالك
مفيش غيرك مسندانى
وواقفه معايا في مشاكلى
وعلي طموحي مشجعانى
يا حبيبتي انا متمناشى
انك تكوني لواحد تانى
انا العاشق انا الولهان
ولحبك انا فانى
ومن فرحي انا مرفرف
وناسي كل أحزانى
كل ما افتكر إني بحبك
وإنتي برضه حبانى.
---------------- -
بقلم الشاعر/ هشام محمد الدكر