اصحى ياصاحبي قوام من نومك
ابدأ يومك
اضرب جرس النور بايديك
لٍم آمالك ارمي همومك
وسط هدومك
نفض يأسك من حواليك
عدّ ي الصعب ياعم بنفسك
نظّم نًفسًك
الصعب راح يدوب في ايديك
اصل العمر بحاله ثواني
ما ترجع تاني
حتعدي ولا تسأل فيك
احضن ايامك قوم بوسها
مشّي تروسها
اوعي ف يوم هي تمشيك
حاول توصل انت لحلمك
طبّق علمك
كل الكون راح يفرح بيك
ارسم حلمك علي ضوء فكره
حلوه لبكره
حتلاقي بكره مستنيك
فرحان بيك وفارد ايدُه
وناصب عيدُه
والدنيا بتضحك حواليك
*****************************************
محمود ناصر