(لو حبيبي)
لو حبيبي حس بيا
وبدموعي ع الورق
انت والايام عليا
زهر عمري بيتسرق
حس بالنار اللي فيا
وبأنين قلب اتحرق
بعد ما حس بأمانهُ
جنب منك
بعد ما كان له مكانهُ
جوه قلبك
قسيت عليه واتحرم
ياحبيبي ودك
والوصال اللي ما بين
قلبي وبينك اتخنق
لو حبيبي حس بيا
وبدموعي ع الورق
قلبي كان مليان حنين
وبشوقه جايلك
ومين في دنيا العاشقين
يعمل عمايلك
قفلت بابك يا حبيبي
رخيت ستايرك
نشفت بحر المحبه
قطعت كل الطرق
لو حبيبي حس بيا
وبدموعي ع الورق
لو في يوم فكرت تاني
في الغرام وفي الهوي
حتلاقي قلبي اللي بيعاني
من بعادك وانكوي
فارد ايديه حاضن هواك
يتمني بس نكون سوا
لسه اللي يتحمل بعادك
يا حبيبي ما اتخلق
لو حبيبي حس بيا
وبدموعي ع الورق
*****************************************
محمود ناصر
