اعتراف......كلمات / محمود وحيد
===================
لا أنا مجبر ولا مضطر
أكًدب فيا احساسى واعيش عمرى وانا مخــــدوع
ولا هاقبل بطعم المر
ويملا الدمع كراسى واسطر بالحروف موجــــوع
ما ينفعشى أكون اتنين
أكون وشــــــــــــــــــين
ف وش الخلق أتبسم ومن إحساسها أكون ممنـوع
حاولت كتير وما عرفتش
ومش عيبة ولا تقصير
ولا علة فى جوف النفس
تعجزنى عن التفكيـــــــر
لكن فوقة لدقة قلب وصوت جوايا كان مسمــوع
أكـــــــــون واضـــــــــــح
واشيل م العين غشاوتهـا
وارجع نفسى م التوهه
ما ابعتر تانى خطوتها
جنوحى ع الطريق بهتان وحبل الكدب اكيد مقطوع
لا انا مجبر ولا مضطر
أميل للريح واعديها وبعديها يميـــــــــل العـــــود
ولا ينفع اشحت عمر
ولحظة موتى مكتوبة مع عمـــــــــرى وانا مولود
ما ينفعشى اعيش ضدين
اكون بروحيــــــــــــــن
فى عين الناس اكون عايش وانا جوايا مش موجود
جمال النفس ف وضوحها
وطول العمر مش أيام
وموت المعنى ضلمة روح
وعين خايفة جفونها تنام
بتتدارى ف جدار الليل وليل حالها طريق مفرود
تطالبنى أشد الضى م العتمة
وامشى الخطوة كيف ما تكون
أكمل سكة المكتوب
اكون عاقل ومش مجنون
وزى م جيتا من طينها فحتما للتراب هنعود
لا انا محبر ولامضطر