جارى التحميل
استخدم زر ESC أو رجوع للعودة
أوعك أنت ولا هى تفتكرو أنى فى يوم هموت
الموت داة مش هفية ولا إنسان كيوت
ممكن يجينى وياخد روحى ولعالم تانى أفوت
وجسمى يفضل فى القبر ساكن عالم السكوت
لكن روحى دايماً هتكون معاكم تحس بيكُم وتهيم فى الملكوت
وبأخلاقى وبسيرتى دايماً عُمرهم ما ياخدهُم الموت
قولو للى كان فاكرها سايبة الموت جاى من غير مُناسبة
قولو للى كانت عايشة هايمة الموت هيجى وتبقى فى دُنيا تانية
قولو ليهُم الأخلاق بتفضل والسيرة الحلوة هى اللى فاضلة
ياللى بتحب من غير مناسبة وياللى طالقها تسلية فارغة
ياللى بتنتهك الأعراض فى النميمة
وياللى على لسانك دايماً جريمة
خاف من يوم يجيك مش مناسب
خاف وحاسب قبل ما تتحاسب
وياللى ياختى قاعدة فاضية
وواخدة الفيس تسلية من غير مناسبة
تتكلمى بكل بجاحة وتنشرى صور إباحة
وتشعرى وتنقلى وتخلى الشباب عليكى تنصلى
وتردى على كل كلمة يا شيخة خليكى فى الفايدة
يوم ما تُقفى على الصراط
يوم ما تتحاسبى على اللى فات
أفتكرى كلامى وساعتها تدعى السُكات
كلمة وراها ألف معنى ومش هنفهمها من النهاردة
ياختى عيشى وأفرحى ومع كُل الشباب أمرحى
المُهم تعيشى لحظة مش مُهم إية فى الأخرة
أنتى عارفة أقولك حاجة أنتى وخداها سياحة
والشيطان معاكى ويأمرك بكُل صراحة
بس بردو عيشى يومك وما تفكرى فى اللى يلومك
وإن كان علية مش ضرورى تسمعى وتفهمى كلامى
المهم انك سعيدة مش همهم نار سعيرة
وأنت يا خى خلى عندك شوية
فى الخاص عامل مفاجئة
مع دى عاملها سايبة
ومع دى مقضيها ضاربة
والكام والمايك شغال
سايحين فى بعض من غير سؤال
وتفتخر تانى يوم أنك كُنت سهران مع النجوم
ولاصحابك عمال تحكى وتنتهك الأعراض وتسبى
ياعمنا حرام عليك على كتافك مُراقبين عليك
بيكتبو كُل حاجة وفى لحظة تنقفل الحكاية
وتروح بروحك حتى جسمك للسؤال
وسيرتك تبقى زفت ويشتموك حتى العيال
روح الله ياخدة كان مقضيها وعايش زنبة
فهمتو بقى كان قصدى إية
تانى هقول وأعيد
أوعك أنت ولا هى تفتكرو أنى فى يوم هموت
الموت داة مش هفية ولا إنسان كيوت
ممكن يجينى وياخد روحى ولعالم تانى أفوت
وجسمى يفضل فى القبر ساكن عالم السكوت
لكن روحى دايماً هتكون معاكم تحس بيكُم وتهيم فى الملكوت
وبأخلاقى وبسيرتى دايماً عُمرهم ما ياخدهُم الموت
#بقلم
#الكنج_علاء
