( ابن البلد )
سامح ايليا
بجيب الطوب وارصه
وبابنى حيطه
علشان اتدارى وراها
من اى زيطه
ولما قربت انهى بناها
عملولى عيطه
اللى يقول هدها
واللى قال
اه يابن العبيطه
سبت كل واحد بكلامه
وقلت يارب
لقيت الكل اختفوا
ولا عاد واحد ببرنيطه
وشفت كل ولاد البلد
عاملين حواليه تحويطه
اللى كان من العصافره
واللى جاى من الأزاريطه
الله عليك يابن البلد
لما بتراعى الشعور
وتحط الإيد فى الإيد
بتمحى كل الشرور
وممكن نغير سوا
ملامح خريطه
سامح ايليا