يادنيا مالك كدا. 
راكبه حصان رهوان
نرمح وراكي وعنينا. 
مفنجله ددبان
لا عمرنا نحصلك. 
ولاانتي بتهدي
طبعك ميراث جدي . 
من سالف الازمان
عايقه ومتزينه. 
لابسلنا ميت فستان
منقرشه طرحتك. 
متلونه الوان
ومزوّقه كعوبك. 
بالتبر والحنه
عامله فيها جنه. 
بتحني ع الشقيان
عيب كداو اختشي 
ادينا شبر امان
نايمه في حضن الغني. 
وبترفسي الغلبان
فعلا غروره قوي. 
كدابه من يومك
مقدرش يوم الومك. 
اللوم علي الانسان
يعرف زوالك لكنه 
يقضي الحياه طمعان
مشغول بهمك لانه. 
عن ربه عاش غفلان
ناسي الحقايق وناسي. 
الوقفه يوم القيامه
مش عارف ان السلامه 
في طاعة الرحمن
*************************************
محمود ناصر