قصيدة:انا كويس
انا كويس متهتميش..
انا من غيرك بردوا بعيش..
وفارقى يلا يا حبيبتى..
انا اصلا قلبي مات ومفيش..
انا عاشق لبحر الحزن..
انا شايف وحدتى جنة..
قلبك حبيبتى مش قلب..
ف يلا سبينى ف احزانى اتهنا..
فارقتى اصلا من زمان..
اى تانى فكرك بيا..
انا عايش خلاص ف امان..
واوعى تفكرى ان قلبي ضحية..
دا انا قلبي كان مسجون واتحرر..
واوعى تفتكرى ان قلبي متغير..
انا بس قلبي غير نفسه..
مبقاش على الخاينين بيعيط..
ما انا قلبي اصله مش عبيط..
علشان عليكى يبكى ويصوت..
ايوا جرحك فى قلبي غويط..
بس عارف ازاى ألملم فيه..
واقولك بجد على سر..
احيانا بفتكرك وببكى..
بس بكايا مش بيعر..
لأنى ببكى على نفسي..
واوعى تفكرى ان جرحك جرح..
دا جرحك ليا علمنى..
علمنى احول جراحى لفرح..
يكون لى حد فاهم يفهمنى..
بعدك حياتى براح..
عايش دنيتى مرتاح..
ايوا حاجات صغيرة بتقصر..
لاكن مع الوقت هتتكسر..
‫#‏ابوبكر_محمد‬