سكوتك أقوي من صوتك
ونظرتك نار
في الحق همة جبــروتك
تقهر أي جبار
ومين يقدر علي نابــوتـك
لسعته دمار
والبوم يخاف من تابــوتـك
و من الأنوار
حتي لو أعلنوا خبر موتك
يداري من الأنظار
والصبر فارش في شروطك
يطرح أشجار
وحروف الجر في خطوطك
مفيهاش هزار
غدر البحر يخاف من حوتك
وموجه يبقي بخار
واللي يمس فتافيت قـوتك
ظلمه ينهار
والشمس تنور كل محيطك
والظلم يبلغ فرار
أصرخ وعبر وقوول بسكوتـك
الضلمه أخرتها نهار
.................................................................
................. إحساس / حسـن الشـوان .....
.................... 10/نوفمبر / 2015 .........