حدوته ف كل مكان

حدوته جوه البيت

وحدوته فى الشارع

وف الجامع وف الحوانيت

حدوته ولا الحواديت

حدوته من قلبى بااحكيها

بااحكيها ويا الناس

ولأهلى بااحكيها

ولاخواتى وعمى بخيت

وبااحكيها ليل ونهار

للحداد وللبنا وللنجار

وكل الناس هتسمعها

وبااحكيها للصايغ وللبايع

وللبحار ولصاحب المعنى

وبااحكيها فى كتابى

وعلى بابى وف المغنى

حدوته مصريه

هتتسجل وتبقى تاريخ

حدوته مصريه نغنيها بكل لسان

وهااحكيها ب أشعارى

حدوته مصريه هتعلم الأوطان

حدوته هااحفرها فى كل مكان

هااحفرها على جبينى

واعلقها على راسى كده اكليل

وح ارسمها هناك فوق ضفاف النيل

وأرسمها ع الشط والمدنه

وح تنور فى سمانا ليل

حدوته مصريه