قصيدة ألفين سلامه بقلم أ / عبده حامد

مجلة بيت الأدباء والشعراء

نشرت بواسطة: hasnaa في عاميه 11 يونيو,2014 0 0 زيارة

الفين سلام :
————-
الفين سلامه عليكى
وعلى خدودك
ياحلوه الرسم والعزف
على عودك
بلاش الحزن
قلنا خلاص ننساه
ونرسم قبلتين حلوين
على خدودك
ياأم الهرم والنيل
واللى بنوا جدودك
تعالى نعلم الدنيا
كيف نرسم البسمه
ونرسم ف قلوب
الغلبانين رسمه
ونرفع علم عالى
على حـــــدودك
الفين سلامه
على ابنك الغالى
اللى حماكى
ورسمته موالى
علشان تدومى
للعز طـــــــوالى
الفين سلامه
على ابنك الفارس
اللى جرحـــــته
وربك الحــارس
الفين ســــلامه
ياام الكنيسه والمدنه
ياام الكفاح عمرك
ماتعرفى الهدنه
الفين سلامه