يقول دكتور عبد العزيز نور أستاذ الثروة السمكية أن قطاع الاسماك يواجه مشكلات عديدة وأهم هذه المشكلات تلوث مياه نهر النيل نتيجة مخلفات عديدة منها مخلفات الصرف الصحي والزراعي من بقايا مبيدات وأسمدة ومخلفات صناعية، كل هذه مشكلات تؤدي إلي إصابة الأسماك بالأمراض بكل سهولة، حيث توجد أسماك بالفعل يوجد بها الكثير من الأمراض مما ينعكس ذلك علي الأنسان بالعديد من الأمراض ومنها انتشار مرض السرطان والفشل الكلوي، موضحا أن نسبة 20 % من الأطفال يموتون بسبب أمراض الأسماك و150 ألف حالة إصابة بالسرطان حتي الآن وأيضا انتشار حالات التسمم ومرض التيفود كل هذه مخاطر يتعرض لها الإنسان . وأضاف ان الحكومة المسئول الأول عن تفشي هذه الأمراض، حيث يتيح قانون 48 لسنة 1982 تربية الأسماك علي مياه الصرف الصحي، مما يعرض المواطن لكثير من البلاء، لذلك نطالب أعضاء مجلس الشعب بتعديل فوري علي قانون الثروة السمكية بحيث يتم تربية الأسماك علي مياه الري وليس الصرف الصحي. واكد أن هناك 400 ألف فدان من المزارع السمكية بمحافظة كفر الشيخ مهددة بالخطر، حيث تعاني هذه المزراع من مشكلة خطيرة بسبب العلف الذي يقدم للأسماك داخل هذه المزارع السمكية، فيقوم أصحاب هذه المزارع أو المستأجرون لها باستخدام مخلفات الصرف الصحي ومخلفات المجازر ومحال بيع الدواجن المذبوحة والسبلة ومخلفات العديد من المطاعم والمخابز وروث الماشية ومنها المصابة بالأمراض في تغذية الأسماك. وكذلك استخدام أنواع من الهرمونات والأدوية التي تساعد علي نمو الأسماك بشكل سريع نظرا لارتفاع اسعار العليقة الخاصة بتربية الاسماك بشكل جنوني خلال هذه الفترة التي تشهد انفلاتا في أسعار جميع السلع والخدمات، كل ذلك يعرض حياة الأنسان للخطر، حيث يتم بيع انتاج هذه المزارع في أكثر من 15 محافظة بالإضافة إلي تصديره إلي الخارج لعدد من الدول العربية.
ا.د / عبد العزيز نور – أستاذ الإنتاج الحيواني والسمكي ( المتفرغ ) بكلية الزراعة جامعة الإسكندرية ومستشار لجنة الزراعة بمجلس الشعب
Hussain Khalafallah يعني كله شٌرك... و العملية آخر لخبطة..
Mahmoud Abdelhady بتتريق يا زعيم ؟
Hussain Khalafallah يا بني أنا نسيت يعني أيه تريقة... الكلام اللي مكتوب فوق ما سابش حاجة مش كويسة ما مسحاش في السمك.. ناقص بس يقول أن السمك هو سبب أن أم حازم أمريكانية........
Tharwat Attallah آآآه يا بتوع السمك يا سفاحين يا قتله , 20 % من الأطفال بيموتوا سنوياً , و150 ألف حالة سرطان حتى الآن (والحسابة بتحسب) , حرام عليكم هتروحوا من ربنا فين !!!!!!!!!
Tharwat Attallah لا حول ولا قوة إلا بالله العلى العظيم
Said Abo Omar انا بقترح إقامة حد الحرابه على هؤلاء السماكين
Mahmoud Abdelhady وليه لا ؟ حضرتك ناسى ان سبب سفر والدة الشيخ حازم الى امريكا هو مرضها ؟ وربما حسب هذا الكلام العلمى للعلامة الدكتور نور حفظة الله من الهلوسة كان سبب مرض والدة الشيخ حازم هو تناولها للاسماك !
Tharwat Attallah "وكذلك استخدام أنواع من الهرمونات والأدوية التي تساعد علي نمو الأسماك بشكل سريع "!!!!! ينوبك ثواب دلنا على حاجه من الأدوية دى , أحسن السمك عندنا مصفر وهفتان ومش راضى ياكل :(
Tharwat Attallah "حيث يتيح قانون 48 لسنة 1982 تربية الأسماك علي مياه (الصرف الصحي)" ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ هو القانون مش مكتوب بالعربى برضه ولا إيه ؟
Mahmoud Abdelhady كنت ماشى عدل يا دكتور ثروت ايه حصلك ؟ انت هتعلق على كلام الدكتور نور وتقول فيه رايك كمان ؟ ده اللى ناقص ............ياعم ده الدكتور نسى بس ومفيش شي فى القانون 48 بيتكلم عن الاسماك خالص ... عديها ياعم
Tharwat Attallah إزاى بقى , ده القانون مخصوص لحماية نهر النيل والمجارى المائية من التلوث , (التلوث الى بيعملوه بتوع السمك الوحشين , منهم لله)
Tharwat Attallah وبعدين هعدى إيه ولا إيه , حسبنا الله ونعم الوكيل , الله يسامحكم يا محمود , الواحد كان مبسوط شوية النهارده لازم تعكننها كده فى الآخر.
Mahmoud Abdelhady ياعم أحمد ربنا مش كفاية امركم مش اتعرض على المفتى لحد الان والموضوع وصل بس لحد الشيوخ
http://www.youtube.com/watch?v=TEeTZ8s6ll0 ........... اتقوا اللهسؤال حول المزارع السمكية يحتاج إلى دراسة هل من مساعد ؟ الشيخ احمد النقيب www.youtube.com
Ahmed Elmezayn حتى الفتوى وصلت للسمك بعدما افتى وتحدث فى النهاية اعترف انه جاهل هذه القصة ربنا يسامحك يا برنس
Ahmed Elsharaky الدكتور نور الله يجازيه على حسب نيته وعلى حسب أذيته لنا وللسمك اللى مفروض يكون رحيم بيه لأنه سبب أكل عيشه..أخذ جزء من مقالة الصحفى المتخلف اللى كتبها فى الاهرام من شهر تقريبا بالنص لو تتذكرون وشيرها باسمه هو ..يعنى مش مؤذى بس ده كمان ح.....أما الاخ اللى بيفتى لمدة 5دقائق كاملة وفى الآخر يعترف بجهله كما ذكر الدكتور احمد جعلنى اترحم على الامام الشعراوى رحمة الله عليه الذى كان لا يتكلم فى امر علمى الا بعد التاكد من صدقه من المتخصصين فتراه يتكلم كما يتكلم اهل التخصص وأكثر .
Mahmoud Abdelhady ربنا يسامحنا كلنا يا برنس ....... احنا نحمد ربنا اننا لسه بعقلنا بعد السمك اللى اكلناه طول السنين اللى فاتت .... واهو انت شايف السمك عمل ايه فى الدكتور نور ......... ربنا يشفيه يارب
Mahmoud Abdelhady تقصد المقال ده يا بشمهندس احمد http://www.facebook.com/groups/Aacuaculture/permalink/294138533992239/ يا سيدى عادى جدا فيها ايه لما الدكتور نور ينقل الكلام اللى يعجبه ... الدكتورة اجلال عمر استاذ تغذية الاسماك (حرم الدكتور نور ) بتعمل كده برده فى ابحاثها القيمة ...... اللى مزعلنى جداً ان الدكتور بكلامه ده هيوقف تنفيذ الاقتراحات العبقرية لبنته امينة حيث خلصت فى رسالة الماجستير (اقتصاديات إنتاج الأسماك – التقييم الأقتصادى و المالي لبدائل مختلفة لإعادة إصلاح بحيرة مريوط)
الى ان احد بدائل إعادة تأهيل بحيرة مريوط -إنشاء مزرعة سمكية مكثفة 2850 فدان مساحة الحوض 6.25 فدان إنتاج مكثف 7 طن/فدان) ........طيب بعد ما السيد الوالد يقول ان السمك به سم قائل وبيموت الاطفال وبيجيب سرطان وبيخلى الناس الكبيرة تهلوس تجى بنته تقول نعمل مزارع ........ يرضى مين ده ؟الاستزراع السمكى والمصايد فى مصر و الوطن العربى قطاع الاستزراع السمكى من أكثر القطاعات نمواً فى العالم , ويساهم بدور متزايد فى ت... See More
Mahmoud Abdelhady مش عارف ليه يا دكتور أحمد ويا بشمهندس احمد بتظلمو الشيخ مع ان الراجل فى النهاية قال لا أعلم وطلب راي المتخصصين ..... تخيلو انتم فى حد بيفهم فى السمك يقول الله بيقوله الدكتور نور ؟ ......... ورغم كده الراجل اخد راحته وبينشر الاقوال والمشاريع بتاعته الهبلة على الناس والهيئة كجهة مسئولة عن تنمية الثروة السمكية كانها لا تسمع ولا ترى ....... والاخطر ان ان سيادته مستشار لجنة الزراعة بمجلس الشعب ........ لحد امتى الناس هتسكت !
Tharwat Attallah لا حول ولا قوة إلا بالله , بجد والله أنا مش عارف أقول إيه تانى , الواحد كره السمك وكره نفسه من البلاوى الى بيشوفها دى , حسبنا الله ونعم الوكيل فى كل الى بيفرح بالميكرفون ولا بأى سبوبة ويطلق العنان للمجارى الى فى جمجمته عشان تطفح على الناس.
Mahmoud Abdelhady هى البلد خربت من ايه يا برنس ... المتخلفين هم المفكرين فى البلد دى .... وبعدين تعالى هنا يابرنس انت زعلان عشان بنكد عليكم بالكلام ده ... طيب مش كفاية بنزل لكم الافكار العبقرية دى على جرعات هههههههههههه كان ممكن نص الجروب البقية فى حياتكم ( ويطلع برده الدكتور نور يقول 50% من المصريين ماتو بسبب السمك ) ........عارف الدكتور نور لو يعرف بقصة البلطى بتاع اسكتلندا اللى اتكلم عليه رئيس معهد علوم البحار ... كان الدكتور نور واصل ابحاثة فى المجال ده وطلع لنا بلطى 25 كيلو السمكة وايه كمان بدون اى عظام ........... ومع ذلك ابشر ياعم فى مشروع حلو اوى تكسب منه 40الف جنية فى السنة ومش هتصرف الا 5 الاف بس قولت ايه ؟
Mahmoud Abdelhady يعنى مكسب بالصلى على النبى 800% ... ها متفكرش كتير ... دى فرصة متتعوضش
Tharwat Attallah وده إيه ده إن شاء الله
Mahmoud Abdelhady مشروع من مشاريع الدكتور نور http://www.alwatanvoice.com/arabic/news/2012/04/20/271780.html ولو المشروع ده مش عجبك اختار لك هدية من هدايا الدكتور نور لثوار مصر http://www.facebook.com/permalink.php?story_fbid=289016901146059&id=185828291464921 ههههههههههههههه الدكتور نور بوظ سمعة الاستثمار فى مصر
