أنت ليه يافُرقه
دايما بتقربى منى
انت غاويه الغُربه
وليه عايزه تغربينى
البعاد مش من طبعى
أنا غاوى الإقتراب
روحى ساكنه قلوب حبايبى
عمرى م هويت الغياب
فارد شراعى ع الشطوط
قلبى بينادى للأحباب
كل موجه وليها بسمه
قلبها لساه شباب
ضحكتها بنغمه راقيه
يعزف معاها الناى
على شط بحر الهوى
سكنت على مرساى
تنده لكل حبيب 
يشرب معاها الشاى
تخرج أمانى قلبهم
مرسومه بحكاوى
ع المرسى كان عشقهم
والقرب بيداوى
ياللى نويت البعاد
الموجه بتناديك
بتقولك قرب تعالى
وأسكن على مرساى
أنا قلبى ف أنتظارك
تشرب معانا الشاى
تسمع معانا الغناوى
سهران معانا الناى
( أسامه جديانه)٢ تعليق٥‏‎Mohamed Saif‎‏ و‏سيد عبدالمعطى‏ و‏‏٣‏ من الأشخاص الآخرين‏أعجبني