على عفيفى٣ ساعاتلو كسبتي 
لو كسبتي بعد مني 
حد كان بالنسبة ليكي مستحيل 
فإنتي في الحالتين خسارة 
دمعة من عيني عليكي تسيل 
مش شطارة تمسكي في نص العصاية 
واللي هيميل عليكي يبقى دا بالنسبة ليكي 
هو دا بطل الرواية 
وأنا عادي هكمل في طريقي 
مش فارقة كتير 
بعض الأوقات بيكون لازم 
يحصل تغيير 
ولو البادي أكيد إنتي 
وعشان أنا أحفظ لكرامتي 
بطلت أغير 
وبداري دموعي عشان متشوفهاش 
وعشان أنا روحي رياضية 
بضحك قدامها مبكسفهاش 
علشان لو شافت دمعة بجد 
على طول هتحس إن إنتصرت 
ولو الدمعة اللي ف عيني إنكسرت 
بربطها بشاش 
جوايا جروح وشروخ في حيطاني 
لكن قدامك واقف على رجلي ومتبت 
وبعتبرك حبة قهوة ف فنجاني
وقعت من إيدي فإنكبت 
دايما بستسلم لشيطاني 
وأقول الدنيا معانداني 
وأفكار وهموم وحاجات بالكوم 
دايما في حياتي محوطاني 
مش عارف الجاي 
راح يبقى إزاي 
بس اللي أنا متأكد منه 
عمري ماهسلم لحبيب تاني 
بقلمي #علي عفيفي