محمد البريمى

يا ورد مين دبلك .. 
يا ورد مين دبلك .. و خلاك حزين ..

طول السهر .. ولا أسوة العاشقين ..

عايزينك ترجع و تفتح .. فوق خدود الحلوين ..

و تفرح قلوب حيارى .. و تنور الليل الحزين ..

بتوحشنا روايحك .. و طلتك كل صباح .

. بتريح الأعصاب .. و تملا البيوت أفراح ..

و تخلى للحياة معنى .. و تنسينا هموم و جراح ..

أمانة يا ورد ما تحرمنا .. و أنا اللى فيك مداح ..

مين بيدينا الأمل .. ويحيى الروح فينا ..

غيرك إنت يا فل .. يا مصبحنا و مسينا ..

على صوت البلابل .. و هى بتشجينا ..

و نسيم الهوى العذرى .. يشبعنا و يروينا

... كلمات .. شاعر البحيرة ..