أحمد البحيرى
أحمد البحيرى
٢٥ أكتوبر، الساعة ١١:٠٣ م ·#قصيدة_كامله_جديد👇👇👌
اخرتها ايه
كل اللى خطّى ع التراب
راجع لمثواه الأخير
سلم إشارات النضال للإحتمال
قلبه الكبير اصبح أجير
فرفت ليه قلبك اوام ورميته
ف حضن الدموع
مش قبل ما ترسم طريق
تحفر نهايتك ف القبور
قبل الحياه ما تلملمك
وتغيب ف مشهد الوداع
جوه المحن تفضل أسير الاحتمال
توهم عوطفك انها انسان صميم
قادر على حمل الهموم والانكسار
والهم كان اصلا هنا سكه وحيده ومغلقه
ف قفلت بيها محبتي
وعملت ثوره ع الالام
يمكن اذنب صوره من شبهه الوحيد
واصلب دموعى ع الورق
واعمل خطوط الحلم وارسم مشنقه
مظلوم وطالع من صريخ الروح هاجير
من كل عين شايفه النداء
شايف عيون الليل وكلمة معلقه
وتراب بيردم سر عمرى ماقولتهوش
غير مستحيل فاقد لأعمال الطقوس
بيكون مشيع لأمل
اخرتها ايه
غير متر ردم على السنين
والفكر ويا الاشتياق
اخرتها تمشى ع الصراط
ممكن تقع مش محتمل منه الفرار
اخرتها جنه ولا نار
اخرتها ناس سايبنها ف حياة العدم
وآهات بتبكى ع الفراق
لو بنا كان هان الحنين
مش كل دمعه تطيب الإحساس
وقلبك في الكفن
تعرف تقول انى حزين
او حتى تهرب م القدر
كل الطرق والمغريات مفتوحه
بس بلمها
خايف اخطى وقتها
على قلب كان واقع ف أوقات الأنين
ولا كان بيهرب م العلل
ولا حتى حضن العاشقين
إنسان جمل حمال بطبعه
من سلالة الرحلين والعابرين
وسط الهلاك اسطوره كنت بحبها
ألفت منها كام قصيدة وشعرها
برويها من سر الحياه
جنب اللى ساكن وقتها
أرضى وبيتى والحنين
حلمى وحبة معجزات
عايشين في ذكرى من ساعات أوقات كتير بشتاقلها
اخرتها ايه
#أحمد_البحيرى /25/10/2018
