العلم نور

زاكر ياأبني انا عايزك تنجح 
وتكون ضابط أو دكتور 
عايزك ضابط قد الدنيا 
توصل تبقى في يوم مأمور 
علشان حق الناس مايضيعشي 
ونعيش كل حياتنا في نور 
عايزك راجل تنفع بلدك 
فارس فيها تعيش مغمور 
اصل العلم دا هوا سلاحنا 
بيه حتكون ديما منصور 
واعرف ان العلم ياأبني 
بيجيب حق يكون مهدور
من غيرعلم حتفضل جاهل 
بين الناس تفضل طرطور 
يلعبوابيك زي الكوتشينه 
شايب خاب أصبح مقهور
زاكر أنجح خليك ناصح 
لأجل بلدنا يعيش ف سرور 
خلي العلم هدف لحياتك 
واوعاك مره تقول معزور 
عايزك تبقى معلم تشرح 
للطلاب معنى المحظور 
وتعرفهم معنى الكلمه 
فرق الضمه من المكسور 
وتفهمهم بردوا بلدنا 
قصر وبيت مش للمغرور 
مصر بلدنا ام الدنيا 
نجم وقاد زي البنور 
بس ساعتها نقف ونصقف 
انك واد جد وشطور