ياللى منى مشتاق ليك
وقلبى بيسألنى عليك
ليه الأسيه والبعاد
قرب ليا الله يخليك
بكره العمر ينتهى
لا هتلاقينى ولا ألاقيك
اللى بينا ماكانش دم
ليه تبيع وأنا اللى شاريك
كل واحد له حياته
ليا مين أفضفض ليه
ولا الود راح أوانه
تحكى ليا وأحكى ليك
ولا مستنى النهايه
والمنادى ينادى ليك
اللى منك راح مكانه
اللى أسمه مربوط بيك
تيجى ومعاك دمعتين
والكل ييجى يعزيك
وع الفيس تكتب النعى
وتقول أيه اللى جرى ليك
بعد شويه تقول تعالوا
أنا كان ليا حق فيك
والحدود لها كلمتها
ليه تبيعنى وأشتريك
مش هقولك يوم تعالى
ربنا يسهلها عليك
وأسمع أنك بكل خير
وقتها أطمن عليك
( أسامه جديانه)