سنه ف سطرين 
نقول فيها كلام ساعتين
ماهى الدنيا لاهينا
ونستنا راحين على فين
بدأنا ف اول شهورها
وأسمه يانايم وكلنا ف ف البيوت نايمين
لا فيه شغل ولا حركه
ونسلف ومش لاقيين
تراب وسيول وصواعق
وفيه الميه تيجى شبرين
يدوب نجيب عشانا
شوية عدس وبصلتين
يعدى اليوم وسهراليل
نشوفلنا فيلم أوفيلمين
ويلا يااولاد أتغطوا
عندكوا تلت بطاطين
مافيش لا لب ولا سودانى
نجيبوا منين
يعدى الشهر بالتيله
ويجى بعده شهر أتنين
وأسمه شهر فئراير
ربنا يحفظنا يامسلمين
يذود الطينه بله
خلصوا القرشين
ونرجع تانى نسلف
ماهو احنا برده م المساكين
وبردو العدس أدامنا
ماهو بيدفى العضمايتين
وعيال يقولوا مافيش لحمه
نجيبها منين
دا حتى اللى بنحمرها وبنسلقها 
ونغمس بقت بعشره وجنيهين
داشوره طين وحتى الفول
وتدميسه بقى بعشرين
وحتة جبنه أد الكف
تذود خمسه فوق العشرين
نذق الشهر بالعافيه
مع أنه ناقص يومين
وعشناهم وعدو خلاص
سنه ف شهرين
( أسامه جديانه)