يا حمامة طيرى ..
يا حمامة طيرى و روحى لحبيبى. بلغيه سلامى ..

و ما تنسيش تاخدى معاكى وردة .. و إحكيله أشواقى و غرامى

.. الشوق دوبنى و أعمل إيه .. و السهر طير منامى .

. غلبت أنادى عليه .. ما سمعش كلامى ..

فى غيابه البال مشغول .. والقلب بات متحير ..

عايش فى توهة و حيرة .. سهران الليل و بفكر ..

إمتى يرجعلى حبيبى .. و أشوفه بعينى و ينور ..

دا حبيبى و نور عينى .. و على بعده أنا مقدر ..

يارب بارك فيه .. حبيبى اللى غايب .

. دا هو اللى باقيلى .. من ريحة الحبايب ..

من غيره أعيش إزاى .. و أنا اللى فى حبه دايب ..

روحى و قلبى معاه .. و سهم الحب صايب ..

بقلم الشاعر .. محمد البريمى ..