شربت المر ف قزايز
وقلت يامر مش جايز
ألاقى الفرح وأتهنى
مشيت حسيت أنا فايز
على الاحزان وانا رافض
أعيش العمر مش عايز
أكون واحد مالوش لازمه
ولازم أعيش متميز
بأفعالى وهعمل خير
فى كل مكان أكون انا فيه
وعمر الشكوى م تجينى
ولا عمر الأمل هطفيه 
هنور ضلمتى بإيدى
وبردى بحلمى راح أدفيه
وأقول للهم روح وأبعد
انا مش ممكن يوم أناديه
وهسر ليلى وهغنى
وأملى لازم أتمسك بيه
ومش هحتاج لحد معايا
عشان م يقولش دا خيرى عليه
هعيش دايما مع الأفراح
ووش الخير أتمسك بيه
هعبى السعد ف قزايز
ويكبر عندى وأربيه
وأشرب الهنا تانى
وكاس المر راح أرميه
( أسامه جديانه)